Следниот петок (8 март) скопскиот клуб Елемент ќе ја прослави својата прва годишнина со гостување на популарниот диџеј Дејвид Алварадо. Тој доаѓа од Лос Анџелес и е сопственик на успешната издавачка куќа Бомб. Работел како продуцент и ремиксер за дискографските куќи Стикмен, Аква Буги, Дефинитиве, Јоши Тоши. Екс-Рејтид, Грув Он и Стриктли Ритм. Кариерата ја почнал во 1981 г., а пуштајќи разновидна музика од латино-диско до британски њу-роментик песни на крајот на осумдесеттите, Дејвид станува познат по своите настапи во Лос Анџелес. Врз градењето на неговиот музички вкус влијаеле Џорџо Мородер и Мастерс Ет Ворк.  Работел на неколку хаус-проекти како продуцент, на пример на Toronto Sound of the Undergorund, Jazz Head Trip, Deep & Slow, Twisted Secrets, Time to Dance, Ultra Dance Vol. 2, John Digweed, Sun Children Project i Sunkiss. Како автор, ги издаде Blue (Ултра Трекс, 1997), Midnight Sessions, Vol. 1 (Аква Буги, 1998) и Гуава (Аква Буги, 1998).