По Роналд Девит (Холандија) и диџеј Блаш (Словенија) Микс ап емоушн и диџеј Фрики ви го претставуваат хрватскиот диџеј Ален С., кој во среда (30 јануари) ќе настапува во скопскиот клуб Елемент во рамките на едномесечните гостувања (секоја последна среда во месецот).

Ален С., како и Еди и Дус, се дел од најуспешната клупска ноќ во Хрватска - Контрапункт, која од 1999 година се случува секоја недела во клуб Аквариус. Неговите сетови се составени од различни музички стилови (од есид џез, фанк џез и дип хаус до соул и блуз). Ален С. на своите забави ги врти само плочите што му се допаѓаат, а музиката ја сфаќа како одличен медиум за пренос на пораки.

Во Аквариус настапувал со голем број познати диџеи - Колин Патерсон (Субтерранеа), Клод Моне (S.S.O.H.), диџеј Спен (Black Vinyl/Basement Boys), Алан Расел (Black Vinyl), Матео и Матос (Large)...

Моментно го подготвува својот прв музички проект, кој наскоро треба да биде завршен.