ACCESS 58 – на Скопски саем
Новогодишен жур со лондонски звук

 На 31ви декември на Скопскиот саем во организација на Alpha dimension ќе имате можност да присуствувате и да уживате на проектот наречен Culture club: Dance of the snow queen. На настанот, кој има сериозниот пристап од идејата до реализацијата, во живо ќе настапи еден од најактуелните техно бендови ACCESS 58 (Access 58/Music Man/On-Test Records) од Лондон. Тие се познати по својот оригинален концепт и живописна музика. Потврда на сето тоа се и бројните изданија на плочи за престижни издавачки куќи, соработките со артисти од калибарот на Umek, Cari Lekebush, Trevor Rockliffe, Mark Broom, Pacou …, а не треба да се изостават и многубројните одлични коментари во сите врвни музички списанија за електронска музика. Со нив настапува и Душан Кацаревиќ (Deelite Groove) од Белград и елитата македонски диџеи: Никола (100%Pure/Concept Fragments), Pass-n-g-r (Massiva Music), Freaky (Mixed Up Emotion), Дени-Тевдо (Massiva Music) и Нино (Percussion Discussion). За целиот настан да биде поспектакуларен ќе биде ставено во погон и 50.000 ватно озвучување (Eaw acustic work), раскошно осветлување и  новогодишна декорација. За сите кои ќе сакаат да се освежат ќе има чоколади, свежо овошје и секакви видови пијалаци.

Иако деновиве ACCESS 58 (Филип Квенум и Пауло Насцименто) го славеа Божик, сепак најдоа време да одговорат на неколку прашања и да & се претстават на македонската публика.

 * Многу сте успешни во правењето електронска музика. Која е движечката сила на Access 58?

- И двајцата го работиме она што го сакаме најмногу - правење музика.

*Како би го опишале вашиот звук и како тој се развива низ годините?

- Почнавме со многу минималистички звук, кој подоцна прерасна во фанки, трајбл звук. Сега одиме во насока на уникатен експериментален звук.

*Дали има разлика денес и пред неколку години, или с$ уште е присутна истата страст за музиката?

- Страста дефинитивно сe уште расте.

*Што најмногу ви се допаѓа во оваа професија?

- Публиката и луѓето што ги среќаваме. Во суштина сакаме да ги правиме луѓето среќни.

*Сите изданија на вашата истоимена издавачка куќа Access 58 се од вас. Дали планирате да вклучите и други артисти или ова е некаков вид специјален концепт за вашата издавачка куќа? 

- Всушност во 2002 ќе почнеме со презентирање и на други артисти. На 21 јануари ќе излезе изданието на Марко Лензи. Ќе претставиме и серија изданија насловени како International Underground EP’s, кои ќе претстават траки од Тони Томас, Марк Вилиамс, The Sense... Tука се и нашите соло проекти. А во врска со концептот тој важеше за изминативе неколку години, да издаваме само наша музика на нашата издавачка куќа. Но бидејќи сега издаваме многу музика и за други издавачки куќи, тоа остава простор и можности за презентација и на други артисти кај нас.

*Со кои други издавачки куќи соработувате?

- За Music Man, Primevil, Primary, Eukatek, Mentor, Pocket,Pure Plastic, On Test, Pacific...

*Можеш ли да ми кажеш за некој ваш омилен клуб или место во изминатава година?

- Ultimate Base во Лондон е секогаш добро искуство. Тоа е мал клуб со одлична публика.

*Што ја одбележа оваа година за вас и кои се вашите планови за претстојната 2002 година ?

- Нашите изданија Fragments of Samba и Fragments Funk за Music Man беа дефинитивно најсветлиот момент за оваа година. Понатаму, соработката со Тревор Роклиф беше екстремно позитивна и забавна. Исто така и стартот на нашата нова издавачка куќа Mutant Soul Records за нашиот проект Jaam, што всушност ќе претставува повеќе хаус и амбиент музика. За идната година, настрана од претставувањето на нови артисти на нашата издавачка куќа, можам да ги најавам и изданијата Access58 Collaborations и Remixes Volume 1 & 2. Некаде во средината на 2002, ќе го издадеме и нашиот албум.