Kompjuterski frikovi vo muzikata

Маркус Карп и момчињата од Визи ноис ќе бидат во сабота ( 9 февруари) гости во скопскиот Младински културен центар. За Маркус не е потребно посебно претставување бидејќи неговата диџејска програма & е добропозната на нашата публика. Тој е еден од ветераните на германската електронска сцена, а мнозина го познаваат по неговиот комерцијален успех како човек што стои зад проектот насловен Дер Дритте Раум.

Но, иако во моментот Визи ноис се светска трансатракција,  сепак се ново и релативно непознато име за македонските љубители на ваква музика и посетители на ваквите забави. Во пресрет на нивниот настап во Скопје направивме краток разговор со еден од членовите на поставата - Уриел.

Инаку, зад името Визи ноис се кријат добропополнетите Мики и Уриел од соседна Грција. Обајцата се компјутерски фрикови, кои, што е најчудно, си личат еден со друг - како да се близнаци - а сe до 1998 година секој посебно си правел музика за да кога конечно се сретнале заеднички го почнат искачувањето кон врвот на светската транс-сцена.

Во пресрет на нивниот прв поголем настап како Визи ноис во Македонија, еве што забележавме во краткиот телефонски разговор:

*Како си Уриел?

 - Супер. Малку уморен бидејќи само што се вратив од Амстердам.

* Имавте ли настап таму?

 - Не, продукција. Во Амстердам настапувавме во декември минатата година.

* Дали често настапувате?

- Нон-стоп. Сега н$ очекува Скопје, потоа Москва, па одиме во Јапонија,

Њујорк и така со ред. Во минатата недела бевме во Бразил, свиревме на фестивалот УПИПОТУ.

* Добро, како би ја опишал вашата музика?

-  Психоделичен техно-транс. Така некако.

* А како би ги дефинирал настапите во живо? Што да очекуваме во Скопје?

-  Настапите во живо?!! - Јас би рекол дека тоа се убиствени изведби.

* Снимате за Спирит Зоне, 3Д- Висион, Флѕинг Рхино., односно ексклузивци сте  на скоро  сите реномирани издавачки етикети што се занимаваат со ваква музика. Што е последно издадено под името Визи ноис?     

- Имаме нов албум, втор по ред и тој треба да биде објавен деновиве, поточно на 27 февруари.

* Ќе имаме ли можност да ги слушаме новите работи во Скопје?

- Секако, двочасовен ливе ацт со многу нова музика, неслушната досега.

* А диџеј-сетот ?

- Планираме и двајцата, Мики и јас, да пуштаме музика откако ќе свириме во живо. Ќе бидете изненадени. Се гледаме во сабота.